Nicola Martinoschi
Nicola Martinoschi ira un pictorlu armãnu, cunuscut Crushuva ca Lachia al Martin, faptu iasti anlu 1903, 18 di avgust Crushuva tu chirolu di revolutsia di Ayiul Ilia, di tafã Costa al Martin shi dadã Nushca al Gheru, Costa al Martin ira om nvitsat shi multsã anj presidentu di comuna armãneascã di Crushuva.
_-%D0%9D.%D0%9C%D0%B0%D1%80%D1%82%D0%B8%D0%BD%D0%BE%D1%81%D0%BA%D0%B8.jpg)
Tu anlu 1906 familia Martin s-purtã Scopia iu njiclu Nicola bitisi sculia elementarã romãneascã. Nica di atumtsea spuse vreare cãtrã pictura. Sculia di mese u nchisi tu vãrgãreasca a u bitisi di sãrbeasca ghimnazie, cata conditsiile politicali pi Balcan. Tu idyiul chiro intereslu cãtrã pictura lu duse tu atelielu a cunuscutlui zagraf di Machedonie Dimitrie Papradishchi iu u nvitsã tehnica elementarã di picturã cu fresche di Vizantie.
Di la anlu 1920 shapte anj ira student la Academia di Mushata artã Bucureshlji, cai u bitisi cu mari sucteses ca prot tu gheneratsie shi amintã premie. Dupu atsea doi anj di dzali ira Parishlji shi aistu period iaste nai ma importantu tu bana a lui, cã atumtetsea s-deelopã alui stil orighinal.
Parishlji li vizita Academiile Grand Sonier shi Ranson la nai ma marlji profesor di picturã, s - cunuscu shi intrã tu sutsãtsle di artã shi culturã di boemia frantseascã. Dupu atsea, la anlu 1928 s-toarnã Scopia iu nchisi a lui lucru individual di picturã pãnã tu sone di bana a lui. Cariera profesionalã u nchisi cu expozitsia di Scopia la anlu 1929 cu mare suctses. Opuslu artistic di pictura al Martinoschi area diferente faze ashi cum tritsea anjlji.
Astãdz picturile alui s-aflã tu multi muzei tu Evropã shi tu case private. Ti tinjia shi mãrilja cãtrã Nicola, crushuveanjlji adaptarã unã veaclje casã monumentalã, egzemplar unicat di veaclje arhitecturã armãneascã, casa ali familie Nishca, di anlu 1863, tu Galeria Martinischi cai iaste ofitsial disfaptã la 2 di avgust 1968. Tu galerie s-aflã 64 nai mushatile exponate, donatsii di Martinoschi di tute alui periode.
Biblioyrathilj
alâxire- Popnicola, Nico. „Arhadzits armanji tu isturilj”