Tuľiu Carafoli

Tuljiu Carafoli (faptu 1872 — mortu 6-li di Xumedru 1936, Sãrunã) easti unu scriitoru shi profesoru Armãnescu.

Sculiea u feasi tu cãsãbãlu iu s-afla shi Litseulu di Bituli, deapoia Facultatea di Literaturã shi Filosofii di Bucureshti. Lucrã ca dhascalu la Ghimnaziulu di Ianina sh-deapoea la Litseulu di Grebini sh-tu soni la Litseulu di Sãrunã.

Ca scriitoru, angrãpsi mashi teatru, cari fu giucatu di ficiorlji la sculiili Armãneshtsã di Ianina, Grebini, Veria i Sãrunã. Ca unã carti, dauli piesi furã publicati tu revista Zborlu a Nostru di Freiburg, tu anjlji 1985-1986, a deapoia sh-ca carti di Editura Cartea Aromãnã, tu anlu 1993, sum titlulu Piruaheana shi Furljii.

Vedz shi

• Lista a scriitorloru armãneshtsã

Vedz nafoarã

• Ionel Zeana. Vulturii Pindului (romanu istoricu tu cari Tuľiu Carafoli easti personagiu)

Bibliografie

• Dina Cuvata / „Scriitori Armaneshtsã” (2001) : UCAM, Biblioteca Natsionalã Armãneascã. Colectsia „I. Arginteanu” Scopia, p. 16.