Sutsata sãrbeascã-armãneascã "Lunjina"

 Sutsatã sãrbeascã-armãneascã Lunjina

Data di fundari: 1991, ninti 33 di anj

Turlii di organizatsii: organizatsi niguvernamentalã

Locatsii: Sãrbia

Scamnu: ãn Beligrad

Limbi ofitsiali: limba sãrbeascã shi armãneascã

Prezidentu: Aristotelis Martinovich

Sutsatã sãrbeascã-armãneascã "Lunjina" (armãn.) easti organizatsii a Armãnjlor tu Sãrbii a curi scamnu s-aflã ãn Beligrad.

Informatsii ghenerali

Scamnul a organizatsiiljei s-aflã pi strada Majke Jerosine numir 21/5 ãn Beligrad, a organizatsia easti fundatã la anlu 1991 ca reuzultat di ligari a daulor organizatsii di Belitsa din Ghios shi Belitsa din Sus, dau hori armãneshtsã tu Machidunia di Nord.

Scupolu a organizatsiiljei easti apurari shi tsãneari tu banãa minoritatiljei armãneascã tu Sãrbii, a ljei adets, cultura, limba, numili shi traditsia. La anlu 2017 sutsata avea aproapea 700 di membri. Prezidentu a sutsatãljei easti Aristotelis Martinovich. Pi limba armãneascã, zborlu lunjinã scljeamã „Lunjinã“. Pi limba rumuneascã, aestu zbor easti lumina.

Ma mari parti di membrilji a sutsatãljei sãrbeascã-armãneascã "Lunjinã" suntu Armãnj vinits dit Machidunia di Nord, a njic numir di elji suntu unã parti di dzãnuclji a comunitatiljei armãneascã cari cu ets bãna tu Sãrbii. Organizatsia ari publicatã andau cãrtsã ti gramatica armãneascã shi compact disc cu muzicãarmãneascã, a u publicheadzã shi fimiridã "Lunjinã", fimirida a sutsatãljei sãrbeascã-armãneascã. Easti datã propuniri sutsata s-organizeadzã facultativ cursuri ti limba armãneascã la Facultatea ti filologhii ãn Beligrad.

Membrilji a sutsatãljei sãrbeascã-armãneascã "Lunjinã" suntu anamisa di putsãnjlji Armãnj tu Sãrbii cari continueadzã activ s-u practicheadzã shi s-u ufiliseascã a lor limbã shi culturã. Anamisa di anjlji 2014-1017 aestã organizatsii organiza cafi stãmãnã cursuri ti anvitsari a limbãljei armãneascã, ma tora suntu dãnãsiti ca noari cursishtsã shi suntu alãxiti cu Anveatsã armaneashti! (Anvitsats armãneashti), online platformã ti ãnvitsari a limbãljei armãneascã cari easti adratã tu Romãnii.

Sutsata sãrbeascã-armãneascã "Lunjinã" s-alumtã ti pricunushteari a Armãnjlor ca minoritati natsionalã tu Sãrbii, ma atsea nu easti aprucheatã di ispeti ca nu easti umplutã conditsia ti minimal numir di oaminj cari comunitatea lipseashti s-u aibã, ta s-poatã s-lu amintã aestu status. Dupu videarea a lor, tu Sãrbii ari anamisa di 5.000 shi 15.000 di persoani cu originã armãneascã, ma dupu reghistrarea a bãnãtorlor tu Sãrbii anlu 2011 mash 243 di inshi s-spusirã ca suntu Armãnj.