Mitu Aroibu

Mitu Aroibu (1960, Dubrushana, Shtip) easte poet armãnescu. Protile patru clase di sculia primarã le-nvitsã tu hoara iu s-aflã, shi alantile tu hoara Treili Shopati. Litseu ti agriculturã bitisi tu cãsãbiclu Svitinicola shi Sculia di-nsus ti agriculturã tu cãsãbãlu Strumitsa.

Lucrã tu Combinatlu ti-agriculturã "Tsãrvena Dzvezda" (Steao aroshe) dit hoara iu bãneadzã - Treili Shopati.

Easte un di-atselji tsi-l bitisi protu cursu ti dascalji pi limba-armãneascã tsi s-tsãnu Crushuva. Dit ahurhitã lucreadzã di mirachea-a Armãnamiljei sh-ma multu-a limbãljei armãneascã, la Radiolu di Shtip - sectsia armãneascã, cai u-ndreadzi cathi stãmãnã emisia "Grailu Armãnescu", emisie di unã sãhate tsi u-ascultarã Armãnjlji dit reghionlu Ovci-Pali.

Poeziile-a lui sãntu publicate tu revista Grailu armãnescu di Scopia shi Bana Armãneascã di Bucureshci.