Dimitrie Abeleanu

Dimitrie Abeleanu easte un lucãrtor di educatsia armãnescu, un di protslji cai lucrara ti dishcljidearea a sculiilor ti Armãnjlji shi Meglenitslji.

Dimitrie Abeleanu
Aflat	1857 Avdela, Gãrtsie
Murit	1933 Bucureshci, Rumãnie
Loclu di aflare	Avdela, Gãrtsie
Pricãdeare ethnicã	Armãn
Profesia	dascal shi autor di cãrtsã di sculie

Biografia

Abeleanu easte faptu tu anlu 1857 tu hoara armãneascã dit Pindu Avdela (Abela), tu Amirãrilje otomaneascã di atumtsea, azã easte tu Gãrtsie. Dupu loclu-a nashciriljei u-poartã paranumã Abeleanu. Ãnvitsã litseulu "Ayiu Sava" shi "Matei Basarab" Bucureshci. Easte un di ficiorlji dushi di Arhimandit Averchi ta sã-nveatsã la Sculia armãneascã di la Sãmtsãlji Apostolji di Bucureshci shi s-facã dascal tu anlu 1867. Tu anlu 1878 s-toarnã tu Amirãriljea otomaneascã shi s-featse dascal Crushuva (1878-1881), u-dishcljisi sculia cu multu pãtsãri di propaganda gãrtseascã Magaruva, Grevena, Avdela, Vlahoclisura (1885-1887), shi tu anlu 1887 u-dishcljisi ghimnazia ti Armãnjlji Ianina a nicuchira-a lui u-dutsea sculia ti feate dit idhyiul cãsãbã. Tu-anlu 1889 fudzi dit Turchia shi s-curdisi Rumãnie ca dascal tu cãsãbãlu Giurgiu. Muri tu anlu 1933 Bucureshlji. Di ispete cã lucra ti dishcljideare-a sculiilor cu agiutor dit Rumãnie, s-lugurseascã dit Armãnjlji dit Gãrtise cã ira parte di propaganda rumãneascã anamisa di Armãnjlji.

Are publicatã tu multe di revistile armãneshci tsi inshea tu-atsel chiro shi manuale dit cai sã-nvitsã isturie shi gheografie pit sculiile ti Armãnlji ma shi alte broshuri dit isturia. Tu anlu 1916 u-tipusi Bucureshlji carte "Populu armãnescu di tu Machedonie“.

Lucre

• Geografia si harta Turciei Europene, Bucureşti, 1905
• Turciea europenã - geografie fizicà si politicà, Bucureshlji, 1905
• Neamul Aromanesc din Macedonia, Institutul de Arte Grafice C. Sfetea, Bucureshlji, 1916
• Albania, Bucureshlji, 1928
• Constantinopol si vecinàtàtile sale, shi altsã