Тара

Тара

Tara

Nai ma analtu punctu:

Analtsimi pisti nivelu di amari: 1544m

Altã numã: Tara

Loc: Sãrbia di ascapitat

Cãrunã maticã: Dinarschi Alpi

MSZP - Categorii II (parcu natsional)

Parcu Natsional "Tara"

Ploshtina: 220 km2 (85 sq mi)

Proclamatã ti Parcu natsional: 1981

Tara — munti tu Sãrbia di ascapitat, parti di cãrunã di muntsãlj Dinarschi Alpi cu analtsimi pisti nivelu di amari di 1000 pãnã 1500 di metri. Ampadi muntili easti anvãrligat cu mari pãduri shi multi livãdz, chetsãri shi ahãndoasi vãljuri aproapea di aruulu Drina, cum shi multi peshteradz carbunari. Muntili easti popular tsentru turistic. Idghiul parcu natsional acatsã ma mari parti di muntili. Nai ma analta ciãtii a muntili easti Zborishte, analtã 1554 di metri di nivelu pisti amarea.

Parcu natsional

Parcul natsional "Tara" eara fundat anlu 1981, shi li acatsã muntsãlji Tara shi Dzvezda, cum shi aruulu Drina. Ploshtina a parcului easti 220 di chilometri cvadrati, a analtsimea pisti nivelu di amari easti tu intervalu di 250 pãnã 1500 di metri. Condutsirea a parcului s-aflã tu Baina Bashta. Tu parcul natsional intrã grupã di ciãtiuri di muntsã cu ahãndoasi clisuri anamisa di elji. Nai ma impresivã di aesti clisuri easti clisura pi Drina, di ispeti ca ari largã vidzutã cãtrã Sãrbia di ascapitat shi Bosna ca stat vitsin. Reonlu s-caracterizeadzã cu peshtereadz carstitsi, aputsuri shi izvuri.

Pãdurili acatsã trei cvartali di reonlu di aestu parcu natsional, a vãrã di eali suntu anamisa di nai ma ghini avigljeatili tu Europa. Tu Tara s-aflã rariteti endemitsi tertsiari, cari suntu avigljeati tu un njic reon a parcului. Di ispeti ca suntu raritet shi au importantsã shtiintsificã, suntu bãgati sum apurari natsionalã. Pi nivel local, Tara easti loc iu poati s-aflã multu diferenti turlii di agrimi, anamisa di cari cãfilii ursã, agrã caprã, zãrcadi, ris, vidrã, lup shi multi alti. Ari ma multu di 100 di pulji diferenti, cari di chiro-chiro icã permanent bãneadzã ampadi tu muntili: mãlmoasã ornji, albã prici tsi mãcã mrshã, murgu viltur, mari buv, njic tetreb, cum shi multi alti.

Turizmu

Nai ma vizitati locuri turistitsi suntu Calugherschi Bari tu partea di Nord, aproapea di Baina Bashta shi Mitrovets tu partea di Sud. Hotelili "Bel Bor" shi "Omorica", cum shi andau alti capatsiteti ti durnjeari s-aflã tu Calugherschi Bari, a tu Mitrovets ari capatsiteti ti discurmari a fumeljlor. Pit aruulu Drina poati s-noteadzã cu vapori. Populatsia cari bãneadzã aclo adarã lucri di mãnã adrati di lemnu, producti di lapti cum shi njari di chin.

Ligatã

• Zlatibor
• Ujitse
• Mocra Gora

Ligãturi externi

• Paginã ofitsialã a parcului natsional
• Fotografii di muntili
• Muntili Tara, Sãrbia, turizmu, capatsiteti, mapa Arhivatã pi 25 di yizmãciunj, anlu 2020.